Werbung

 

Alemannisch


Die Seite wurde mir von Thomas Zimmermann zur Verfügung gestellt hat.

So, Ihr liebe Lüüt. Schöö, dannEr doher choo sind. Also emol under üs: EG, GATT und WTO sind wörklich intressant. Aber nochdem etz di ganze Siitene uff dere Homepage voll gsi sind mit dem doch eweng chalte internationale Züüg, wörds etz emol högschdi Ziit för eweng öbbis Bodeschdändigers, för e paar schöni Sächili mit em vertraute Hommetgschmack...

Als en aalte Gottmedinger - wenn au on, wo numme all Dag scho am zwölfi zmittag ißt... - hann ich denkt, danni emol e paar schöni Sächili zsämmetrage dorr. Des isch so Züüg, womer uf dem internationale, synthetisch-induschdrielle Netz eigentlich gar näne findt, denn es sött jo hüttzdag am Beschde alles uf englisch sii - oder wenigschdens uff Hochdütsch.... Die Siite do hingege sind reserviert för alli die Lüüt, wo am Samschdig im Herbschd s'Obst vo ihrene Hochschdammbömm zsämmeläsed (gi nes för en Hungerlohn id Moschdi due) und wo am Sunntig am Bodesee, am Säntis, im Schwarzwald oder no einfacher am Heilsberg i de Rüti gi schbaziere gond.

Jede, wo mi kennt woß, dann i no lieber Russisch schwätze dät wi hochdüütsch. Und do wärs jo scho fascht e Sünd, wenn ich it wenigschdens e chlei weng för di alemannisch Kultur im Netz sorge dät, oder monnedEr it? So vill dodevo giits letschtlich jo au it, wemmer emol vu de Siitene vu de Muetterschbroch-Gsellschaft absieht. Aber leider sind halt die Lüüt, wo alemannisch schwätze dond, it all umbedingt au die, wo bsunders vill und gern mitem Computer umgond - wa om aber au wieder it groß wundere mo, denn wieso sött me scho, wemmer i dere wunderbare Gegend wohnt si freii Ziit hinderem Blechtrottel vertrümle? Drum sind übrigens die Siite do au recht einfach ghalte, ohne große Schnickschnack und groß Gschäft. Ich will jo konni viereckige Auge griege... ""

Uff jede Fall freuts mi saumäßig, dann Ihr do her gfunde hond"

No chlei weng öbbis zum Inhalt: Zum eine hets do Texte, wo s'um die alemannisch Schbrooch goht, zum andere sinds Sache, wos um üseri Landschafte, um d'Lüüt do ummenand und um üseri Iischdellunge goht. Ich hoff also wörklich, dann'Ihr eweng e Freud dra hond, so wienich e Freud kha ha, wonni des ganz Züüg zsämmetreit und "web-tauglich" gmacht ha. Wenn Ihr au öbbis hettet, wonnEr monne däted, dannes do inne ghört, no dät i mi freue, wennEr mer e Mail schicke däted oder mer des suschd über mi Adress zuechoo lo chönnded. Wer woß, viellicht findedErs jo no au scho bald uf dere Siite...

 

Bücher,Cds und vieles mehr über Lindau und
Bodensee gibt es bei meinem Partner
Unterstützt mich bei meiner Rallye und kauft über diesen Link - Danke